Сириските бунтовници извршија напад врз либански армиски пункт минатата ноќ, во близина на границата со Сирија. Информацијата беше потврдена од страна на либанската армија, пренесува Прес-ТВ. Се истакнува дека во нападот нема жртви и дека се случил вчера во областа на регионот Арсал.
“Преку ноќ, поголема група на бунтовници ја нападнаа либанската воена позиција во регионот на Арсал. Ова е веќе втор пат во помалку од недела дена т.н..” армијата на Слободна Сирија да влезе на територијата на Либан “, се вели во извештајот либанската армија.
Исто така се укажува дека либанската војска тргнала во потера на бунтовниците кои побегнале во околните планини и села во внатрешноста на Либан.
Либанскиот весник Ал-акбар пренесува дека во пограничниот регион се наоѓаат сунитски населби а локалните жители претежно ги поддржуваат сириските бунтовници. Во исто време, про-Асадовите политички организации во Либан, како што е Хезболах, тврдат дека преку овие исти села се криумчари оружје за Сириските бунтовници.
Либан е длабоко поделен околу прашањето за актуелната криза во Сирија, до тој степен што избија бројни вооружени судири меѓу групите за поддршка на сирискиот претседател и оние кои се на страната на бунтовниците. Најнестабилна е состојбата во северниот либански пристанишен град Триполи.