Сирија главна тема на дводневниот состанок на Г8 во Лондон

Од:

Сирија ќе биде главна тема на дводневниот собир на министрите за надворешните работи на земјите од Г8 во Лондон, во обид да се пронајде заеднички јазик за ставање крај на повеќемесечните крави судири во блискоисточната земја.

Американскиот државен секретар Џон Кери денеска со министрите на другите земји од Г8 ќе ги продолжи разговорите, откако сириските бунтовници повторно апелираа да добијат оружје за борба против режимот на сирискиот претседател Башар ал Асад.

Вчера беа водени преговори со припадниците на сириската Национална опозициска коалиција и новоизбраниот премиер на бунтовниците Хасан Хита, а САД ги разгледуваат начините за зајакнување на помошта на сириските бунтовници.

Меѓутоа дискусијата во Сирија за Лондон, ќе биде во сенка на вчерашната изјава на сирискиот џихадистички фронт Ал Нусра, кој вети верност на лидерот на Ал Каеда Ајман ал Завахири, што ги зголеми стравовите на Западот поврзани со намерите да се вооружаат бунтовниците.

Во Лондон и вчера и денеска се одржува состанок на Г8, со кој претседава британскиот министер за надворешни работи Вилијам Хејг и на кој присуствуваат министрите за надворешни работи на САД, Русија, Јапонија, Канада, Франција, Германија и Италија.

Освен Сирија, теми на состанокот се и Иран, Северна Кореја, безбедноста и стабилноста во северна и западна Африка и климатските промени.

Би можело да ве интересира

Јавно е ликвидиран поранешен соработник на Башар ал Асад

Америка ги ублажува санкциите кон Сирија по падот на Асад

Горан Наумовски

Ердоган: Турците, Курдите, Арапите и Персијците нема да наседнат на игрите на империјалистите „раздели па владеј“

Предраг Петровиќ

Германија објави план за враќање на бегалците од Сирија

Ал Шара: Изборите во Сирија би можеле да се одржат најмногу за четири години

Турција: Целта е да се постигне договор за поморските граници со Сирија