Министерот за информации на Сирија Омран Ахед ал Зубина ги демантира тврдењата на турските власти дека Сирија стои зад двете експлозии во турскиот град Рејханли, во кои според најновите податоци загинаа 46 лица.
Ал Зубина на прес-конференција денеска изјави дека „никој нема право да упатува такви неточни обвиненија“.
Изјавата на Зубина е првиот официјален одговор на Дамас по експлозиите во Рејханли, кој е близу границата со Сирија.
– Одговорните за нападите во јужниот турски град Рејханли на границата со Сирија се поврзани со организации, поддржани од режимот во Дамаск, изјави претходно турскиот министер за внатрешни работи Муамер Ѓулер.
Тој за државната телевизија ТРТ итакна дека лицата и организацијата, кои ги извршиле нападите се идентификувани. – Утврдено е дека тие се поврзани со организации, поддржани од сирискиот режим и од неговите разузнавачки служби, рече Ѓулер.