Орбан се сретна со рускиот претседател Владимир Путин во петокот за да разговараат за Украина, трговијата и снабдувањето со енергија, и покрај дипломатскиот бојкот на ЕУ кон Русија.
Во објава на Фејсбук во саботата, Петер Сијарто ги отфрли критиките од „европските политичари кои подбуцнуваат војна“.
– Ние, Унгарците, не ни треба дозвола или мандат од Брисел, Берлин или кој било друг за какви било разговори со странство. Ние водиме суверена надворешна политика, а нашите одлуки се определени од националните интереси – без разлика дали ви се допаѓа тоа во Брисел или не, напиша Сијарто.
Германскиот канцелар Фридрих Мерц претходно им рече на новинарите дека Орбан отпатувал во Москва „без европски мандат“, додека словенечкиот премиер Роберт Голоб рече дека унгарскиот лидер „не игра за европскиот тим веќе некое време“.
Унгарија одби да ја обвинува исклучиво Русија за конфликтот во Украина и понуди да помогне во посредувањето за мировен договор меѓу Киев и Москва.
Орбан, исто така, одби да испрати оружје во Украина и предупреди дека понатамошната ескалација може да доведе до директен конфликт меѓу Русија и НАТО.
За време на состанокот во Кремљ, Путин му се заблагодари на Орбан за неговиот „разумен став за украинското прашање“.
Орбан нагласи дека „стабилните испораки од Русија остануваат камен-темелник на енергетската безбедност на Унгарија – во минатото, сегашноста и иднината“.