Украинскиот министер за надворешни работи Андриј Сибиха објави дека денес во Брисел ќе се одржи вонреден состанок на Советот Украина-НАТО поради масовните руски напади.
„Вонреден состанок на Советот НАТО-Украина ќе се одржи денес во Брисел на барање на Украина и како одговор на неодамнешните масовни руски воздушни напади. Очекуваме фокусирана дискусија за заедничките чекори за соодветен одговор на отфрлањето на мировните напори од страна на Русија и ескалацијата на теророт против Украинците“, напиша Сибиха на платформата X.
Тој им се заблагодари на НАТО и на сите сојузници за тоа што продолжуваат силно да ја поддржуваат Украина. „Москва треба да чувствува посилен притисок за продолжување на војната“, нагласи украинскиот министер за надворешни работи.