Шпанската полиција денеска уапси 74-годишен маж осомничен дека во ноември и декември минатата година испраќал писма-бомби до амбасадите на Украина и на САД, како и на уште неколку институции во земјата.
Според шпанското Министерство за внатрешни работи, лицето кое е државјанин на Шпанија било приведено во северниот град Миранда дел Ебро.
Едно лице беше полесно повредено од писмо-бомба во Украинската амбасада во Мадрид.
Вкупно шест пакети со експлозив беа испратени на целни адреси, вклучувајќи го премиерот Педро Санчез, владини канцеларии, агенција на ЕУ и Американската амбасада помеѓу 24 ноември и 2 декември.
Осомничениот е уапсен откако „Њујорк Тајмс“ објави дека истрагата во врска со писмените бомби последните недели била фокусирана на „Руското царско движење“ – радикална група поврзана со екстремно десничарски шпански организации. Се верува дека групата е поврзана со руски разузнавачки агенции.
Извор: МИА