Во „Луганската Народна Република“ на 14 септември би можеле да се одржат парламентарни избори, соопшти денеска „премиерот“ на оваа самопрогласена проруска сепаратистичка творба на истокот на Украина, Василиј Никитин.
– Парламентарните избори би можеле да се одржат на 14 септември и го предлагам овој датум, истакна Никитин во Луганск, додавајќи дека истиот ден би можеле да бидат организирани и „локални избори“.
По референдумот за самоопределување на 11 мај, т.н. „Луганската Народна Република“ формира „Времен парламент“.
ЕУ соопшти дека референдумите во областите Доњецк и Луганск ги смета за нелегални и нелегитимни и никогаш нема да ги признае нивните резултати.