Сепаратисти киднапираа седум жители на Доњецк, што учествувале во протести за единство на Украина, соопшти денеска организаторот на протестот „Донбас е Украина“.
– Во нападот врз мирни демонстранти, 25 лица се повредени, од кои петмина се хоспитализирани. Седум лица се земени како заложници од страна на сепаратистите, се наведува во соопштението.
Петмина заложници се наоѓаат во поранешната канцеларија „Партија на регионите“, додека двајца во зградата на регионалната администрација.
Претставникот на ОБСЕ мисијата разговарал со киднаперите во канцеларијата „Партија на регионите“ и заложниците се живи, изјави организаторот на протестите Диана Берг.
На протестите за единство на Украина учествуваа околу 2.000 луѓе.