Вработен во Пентагон е уапсен на пат кон аеродромот со документи означени како „државна тајна“, соопштија денеска американските федерални власти.
И покрај приговорите на обвинителите, судијата во вторникот одлучи дека Гокан Гун (50), американско-турски државјанин, вработен во Министерството за одбрана, може да остане на слобода во домашен притвор додека го чека судењето по обвиненијата за неодговорно постапување со доверливите документи.
Гун од Фолс Черч, Вирџинија, беше уапсен во петокот пред својот дом и обвинет за несовесно ракување со доверливи материјали, соопшти американското Министерство за правда во вторникот.