Регионалниот суд во рускиот град Киров го прогласи опозиционерот Алексеј Навални за виновен по делото за присвојување на дрва во вредност од 500.000 долари од локално државно претпријатие во 2009 година.
Судијата Сергеј Блинов подоцна во тркот на денот ќе ги објави мотивите за ваквата пдлука, анализите од материјалните докази, сведочењата и тврдењата на обвинетиот, по што ќе ја соопшти казната.
Државните обвинители бараат шест години затвор за Навални и пет за второобвинетиот Пјотер Офицеров.
Навални демантира дека извршил прекршување на законот и смета дека делото е политички мотивирано од Кремљ, со цел да се стави крај на неговата политичка кариера.
Изборната комисија вчера официјално ја прифати неговата кандидатура за локалните избори, со што тој стана ден од шестмината кандидати во трката за градоначалник на Москва.