Поранешниот романски премиер Виктор Понта денеска влезе во трката за повторени претседателски избори во мај, откако вчера беше одбиена жалбата на кандидатот на екстремната десница Калин Ѓоргеску против одлуката да му се забрани да се кандидира.
Романија треба да ги повтори своите претседателски избори во два круга – на 4 и 18 мај, откако Уставниот суд го поништи првото гласање во декември по наводите дека Русија се мешала во изборите во корист на Ѓоргеску, што и Москва и Ѓоргеску ги негираа.
И додека тврдокорната десница се обидува да го замени Ѓоргеску, кој водеше во анкетите, пред крајниот рок во сабота, поранешниот лидер на Социјалдемократската партија Виктор Понта, кој премина во десницата во изминатата година, би можел да ги собере гласовите од двете политички партии.
„Ние сме на пат. Прво Романија“, рече Понта, кој вчера се сретна со Доналд Трамп помладиот, синот на актуелниот американски претседател.