Рускиот заменик министер за надворешни работи Сергеј Рјабков денеска изјави дека Москва ќе ја промени својата нуклеарна доктрина.
Тој објасни дека одлуката е „поврзана со текот на ескалацијата од страна на нашите западни противници“ во врска со она што Русија ја нарекува своја специјална воена операција во Украина.
„Како што многупати кажавме, работата е во напредна фаза и има јасна насока да се направи корекција, што исто така е последица на проучувањето и анализата на искуството од развојот на конфликтите во последните години“, рече Рјабков.