Референдумот за независност на регионот Доњецк ќе се одржи на 11 мај, изјави лидерот на оваа самопрогласена република во источна Украина, Денис Пушиљин.
Тој истакна дека референдумското прашање ќе гласи: „Дали го одобрувате прогласувањето на независноста на Народната Република Доњецк“.
– По референдумот ќе бидат одржани избори на кои ќе се одлучи, кој ќе го води регионот, а потоа нашата Народна Република Доњецк ќе може да почне повторно да функционира, изјави Пушиљин во седиштето на регионалната самоуправа, кое на 6 април беше заземено од проруските демонстранти.
– Ќе процениме кој договор за нашите односи со остатокот од Украина е најдобар – дали тоа е федерација, конфедерација или независност, додаде тој.
Пушиљин изјави дека одржувањето на референдумот е неизбежно и додаде дека парите за тоа се обезбедени.