Претседателот на Русија – Владимир Путин прогласи велигденско примирје, објави Кремљ. Тоа стапува на сила денеска во 18 часот.
Шефот на руската држава нареди прекин на сите борбени операции за време на велигденското примирје, пренесува РИА.
Прекинот на огнот ќе трае до полноќ, од недела кон понеделник.
Руските вооружени сили треба да бидат подготвени да одговорат на можни прекршувања и провокации од страна на непријателот, прецизираше рускиот претседател.
Текот на примирјето ќе ја покаже подготвеноста на режимот во Киев за желбата и способноста прашањето да се реши по мирен пат, вели Путин.