Рускиот претседател Владимир Путин и германската канцеларка Ангела Меркел денеска повикаа на итно продолжување на мировните напори во Украина, соопшти портпаролот на Путин, Дмитри Песков.
Двајцата лидери одржаа куса средба во пресрет на финалето на Светското фудбалско првенство во Бразил.
Меркел и Путин се во постојан контакт во врска со Украина.
– Путин и Меркел ја нагласија неопходноста од итно продолжување на работата на контакт групата за Украина, по можност во формат на видео конференции, наведе Песков.