Повикувајќи се на извор во администрацијата на Трамп, бриселски Политико објави нови детали од телефонскиот разговор меѓу Доналд Трамп и Владимир Путин.
Според тој извор, рускиот лидер побарал неговата средба со Зеленски да се одржи еден на еден, без присуство на Трамп.
„Кога Трамп го покани и му понуди да се сретне со него и Зеленски лично, Путин одговори: „Не мора да доаѓаш, сакам да го видам еден на еден“.
Тимот на Трамп, според изворот, веднаш почнал да работи на тоа, а посебната задача за подготовка на сè му била доделена на советникот на Трамп, Стив Виткоф, објавува Политико.
Досега, и Трамп и Зеленски изразиле подготвеност за трилатерален состанок, но Путин сè уште официјално не се огласил.