Неколку стотици луѓе ја блокираа една од најфрекфентните улици во Киев, барајќи оставка на претседателот Петро Порошенко, министерот за одбрана и целото раководство на операцијата против сепаратистите во источниот дел на Украина.
Демонстрантите бараат од украинската војска, која е опколена од сепаратисти во реонот на Иловајск во близина на границата со Русија, итно да ги повлече единиците со тешка воена техника.
Слични протести се одржуваат и пред зградата на украинското Претседателство.