Руска новинарка која ја поддржува војната на Путин во Украина е огорчена од извештаите дека телата на неодамна мобилизираните војници биле вратени во руските градови во ковчези.
Во објава на нејзиниот канал Телеграм, Анастасија Кашеварова, која редовно објавува текстови за поддршка на рускиот претседател, ги осуди руските команданти кои без никаква обука ги испраќаат мобилизираните Руси во војна.
„Дали повторно не излажа? Ни кажавте дека ќе поминат обука, дека нема да бидат испратени на фронтот за една недела. Дали повторно не излажавте?“, напиша таа.
Кашеварова додаде дека локалните команданти не ги слушаат наредбите на нивните претпоставени и едноставно „фрлаат мобилизирани војници на линијата на фронтот“. На крајот таа им се заблагодари на „вистинските офицери“ кои, како што напиша, „прават се што е можно да ги подготват нашите момчиња“.