Принцот Филип на својот 99. роденден првпат пред јавност од јануари

Од:

Британскиот принц Филип, сопругот на кралицата Елизабета Втора, се појави денеска, на неговиот 99-ти роденден, првпат во јавност од јануари досега.

По повод неговиот роденден, беше објавена фотографија од него и кралицата, направена на 1 јуни пред замокот Виндзор. Принцот Филип и неговата пет години помлада избраничка „изгледаат добро и се држат мирно без ничија помош“, како што е соопштено.

На фотографијата, кралицата носи фустан од нејзината лична дизајнерка Енџела Кели, со дијамантски брош, додека принцот Филип носи темно син костум и црвено-црна вратоврска.

Кралицата и принцот живеат во замокот од почетокот на пандемијата и не се среќаваат со семејството, почитувајќи ги мерките за физичко растојание.

Бакингемската палата не објави како принцот ќе го слави роденденот, туку само соопшти дека тоа ќе биде приватна свеченост во замокот Виндзор.

Кралицата Елизабета и принцот Филип се единствената кралска двојка што ја обележа својата „платинеста годишнина“ од свадбата во поновата историја. Имено, во 2017 година, тие прославија 70 години брак.

Би можело да ве интересира

ВИДЕО: Силна експлозија создаде огромен пожар во Англија, евакуирани двесте лица

Горјан Грнчаровски

Англија формира ново тело за борба против пандемијата

А1он

Лондон е убеден дека Москва украла податоци за вакцина против коронавирусот

Тројца играчи на Вест Хем си одат од клубот на крајот на сезонава

Жарко Настоски

Тотенхем им ги продолжи договорите на Вертонген и Ворм до крајот на сезонава

Жарко Настоски

Три лица се убиени и повеќе повредени во напад со нож во парк во Англија

А1он