Украинскиот претседател Петро Порошенко одлучи за 72 часа да го продолжи прекинот на огнот меѓу украинските сили и проруските сепаратисти во источна Украина, пренесоа француските медиуми, повикувајќи се на европски дипломатски извор.
Порошенко својата одлука ја соопшти пред лидерите на 28-те земји членки на ЕУ, кои се собрани во Брисел, соопшти ИТАР-ТАСС.
-Претседателот Порошенко предложи за 72 часа да се продолжи прекинот на огнот – рок што ќе му дозволи да се исполнат извесен број услови како ослободување на заложниците, вклучувајќи ги и набљудувачите на ОБСЕ, или воспоставување контрола долж руско-украинската граница, изјави изворот, цитиран од француските медиуми.