Украинскиот претседател Петро Порошенко се изјасни за распишување предвремени парламентарни избори и за измени на Уставот на Украина.
Тој на средба со лидерите на парламентарни партии истакна дека „целосното рестартирање на власта и натаму останува актуелно“.
На средбата бил разгледан и Предлог-закон за измени на Уставот.
– Предлогот целосно одговара на нашата иницијатива за децентрализација на власта и е клучен елемент од нашиот мировен план за Донбас, истакна украинскиот претседател.
Порошенко ја нагласи потребата од јасно разграничување на надлежностите на претседателот, Парламентот и Владата со цел да се обебзеди ефикасно функционирање на системот на државно управување.