Русија има 9.000 војници во Украина, изјави денеска украинскиот претседател Петро Порошенко.
Во говор на Светскиот економски форум во Давос, Порошенко додаде дека руските војници располагаат со тешко оружје, меѓу кои и тенкови и артилериски системи.
– Ако тоа не е агресија, тогаш што е агресија?, запраша Порошенко.
Тој ја повика Русија да ги повлече своите војници од Украина и да ги почитува договорите од Минск.
Претходно беше објавено дека украинскиот претседател ќе ја скрати посетата на Давос поради влошената ситуација во источниот дел на Украина, каде се интензивираат судирите меѓу силите на Киев и проруските сепаратисти.