Претседателот на Украина Петро Порошенко изјави дека воената операција во источниот дел на земјата продолжува.
Според Порошенко, припадниците на милициите не ја искористија шансата да го предадат оружјето и сега мора да сносат одговорност за своите постапки, пренесува ИТАР-ТАСС.
Украинскиот претседател најави хуманитарна помош за жителите на Славјанск и останатите градови во кои тоа е неопходно.
– Авиони и конвој возила со храна веќе се на пат кон Славјанск, изјави Порошенко.
Во меѓувреме украинскиот премиер Арсениј Јацењук објави крај на воените опрации во Славјанск и Краматорск и нареди Владата да продолжи со работа на администрацијата, министерствата, Фондот за животно и пензиско осигурување, како и разни други агенции и сервиси.