Претседателот на Украина Петро Порошенко предложи денеска време и место за разговори за кризата во Украина и чека одговор од другата страна, објавено е на неговата интернет страница.
Во соопштението се вели дека Порошенко тоа го пренел во телефонски разговор со високата претставничка на ЕУ за надворешна политика и безбедност Кетрин Ештон.
Предвидено е „контакт група“ да предложи услови за прекин на огнот на исток во Украина. Во неа се поранешниот украински претседател, рускиот амбсадор во Киев и високи претставници од ОБСЕ.
Со Порошенко денеска разговараа и претседателот на Франција Франсоа Оланд и германскиот канцелар Ангела Меркел и тие навеле дека е потребно што побрзо да се исполнат условите од договорот од состанокот одржан во Берлин во минатата среда.