Украинскиот претседател Петро Порошенко потврди дека на денешната средба на Контакт групата за Украина во Минск е постигнат договор за прекин на огнот меѓу украинските сили и проруските сепаратисти.
Договорот стапува во сила денеска во 15 часот по Гринич. Според ИТАР ТАСС, тој е составен од 12 точки, а според други западни медиуми содржи 14 точки, и е потпишан по двочасовни преговори.
Проруските сили, исто така, ја потврдија информацијата на социјалната мрежа Твитер.
Учесниците во Контакт групата ги продолжуваат преговорите во Минск.