На средбата со рускиот претседател Владимир Путин во Милано беше потврдено дека договорите од Минск треба да се реализираат, изјави украинскиот претседател Петро Порошенко, цитиран од ТАСС.
-Тоа се клучни документи, што треба да се реализираат, рече Порошенко по средбата со Путин.
Ние веќе постигнавме извесен напредок, но некои детали подлежат на натамошно разгледување. Клучниот момент е прекинот на огнот. Заедно со ОБСЕ постигнавме едногласност за практичните чекори за контролирање и мониторингот на примирјето. Се договоривме дека бројот на беспилотни авиони треба да се зголеми. Исто така, се договоривме дека ќе биде потребна и друга опрема: видео камери, сателити и радари, што ќе помогнат да се утврди кој е виновен во случај на прекршување на примирјето, дополни Порошенко.