Украинскиот претседател Петро Порошенко денеска го предложи командантот на Националната гарда Степан Полторак за нов министер за одбрана, соопшти Кабиентот на шефот на украинската држава.
Украинскиот Парламент утре ќе гласа за номинацијата на Полторак.
Досегашниот министер за одбрана Валериј Хелетеј вчера поднесе оставка, откако беше подложен на остри критики за поразот што на украинската армија и го нанесоа проруските бунтовници во источниот дел на земјата на крајот од август.
Полторак (49) од април ја предводи Националната гарда, доброволна воена формација, создадена во март врз основа на силите на Внатрешните војски, во која беа вклучени и т.н. сили за самоодбрана на Мајдан.