Економскиот дел од договорот за асоцијација на Украина со Европската унија треба да биде потпишан веднаш по моето стапување на функција, изјави денеска избраниот за претседател на земјата Петро Порошенко, пренесува ИТАР-ТАСС.
Порошенко истакнува дека тоа ќе овозможи спроведување на антикорупциски мерки и пакети реформи во најкраток можен рок.
Во соопштението објавено од неговата прес служба, Порошенко изразува надеж дека ЕУ, што постојано го поддржува европскиот избор на Укрина, ќе ја поддржи и позицијата за итно потпишување на економскиот дел од договорот.
Политичкиот дел од договорот беше потпишан во март. Одбивањето на претходните украински власти да го потпишат договорот во ноември беше повод за избувнување на криза во земјата.