Најмалку 16 лица, од кои шест жени и три деца, погуби про-режимската полиција во Дамаск, јавува сириската агенција за човекови права.
„Полицијата влегла во нивниот дом во квартот Барза и ги убила со истрели од пушка”, потврди Рами Абдел Рахман, претседател на агенцијата.
Меѓу жртвите се татко и неговите три деца, една жена и нејзиниот син и еден брачен пар со нивната ќерка, објави Комисијата на сириската револуција, мрежа на милитантите. Во средата во Дамаск пријавени се жртви и меѓу новинарите.
Еден ирански новинар на англофонската станица Прес ТВ беше застрелан од снајперист, а Шеф на дописништвото на арапската ТВ-станица Ал-Алам е ранет во средата во сирискиот главен град, изјавија нивните работодавци.
„Дописникот на Прес ТВ е застрелан од снајперски куршум во сирискиот главен град”, објави Прес ТВ на својата интернет страница.
Телевизиска станица Ал-Алам објави дека е ранет шефот на нејзиното биро во Дамаск, Хусеин Мортада.