Почна судењето на петмина мажи обвинети за силување и убиство на 23-годишна студентка по медицина во автобус во Њу Делхи минатиот месец, кое ќе биде спроведено по итна постапка. Случајот предизвика масовни демонстрации и бес кај јавноста поради начинот на однесување кон жените во Индија.
На судот ќе бидат изнесени воведните зборови на обвинителството и одбраната. Судењето ќе се одржи во затворена судница откако судијата го одбил барањето на одбраната судењето да биде отворено за јавност. На шестиот силувач ќе му се суди во судот за малолетници.