Словачкиот премиер Роберт Фицо беше ранет во обид за атентат врз него претходно денеска по седницата на Владата што се одржа во градот Хандлов, на околу 150 километри североисточно од Братислава.
Фицo е застрелан кога по средбата излегол да се поздрави со насобраните граѓани.
Според последните информации Роберт Фицо се здобил со три прострелни рани, две на раката и една на стомакот.
-Во моментов го оперираат, пренесува словачкиот портал aktuality.sk
„Тој е застрелан неколку пати и во моментов е во животна опасност. Следните неколку часа се одлучувачки“, се вели во налогот на Фицо на социјалните мрежи.