Пилот на авиокомпанијата „Ер Индија“ е суспендиран поради обвинението дека во тек на лет ги ставил во опасност животите на 160 патника, бидејќи спиел во бизнис класата на авионот, додека оставил две стјуардеси во пилотската кабина.
Британски медиуми наведуваат дека пилотот и копилотот 40 минути подоцна се вратиле во кабината , откако случајно една од стјуардесите го исклучила автопилотот.
Инцидентот се случи во текот на април на лет од Бангкок до Њу Делхи. Индиската авиокомпанија негираше дека безбедноста на патниците била загрозена.
Во соопштението се истакнува дека две стјуардеси останале подолго во пилотската кабина отколку што тоа е дозволено, но негираа дека пилотот и копилотот ја напуштиле пилотската кабина.
Од компанијата сепак признаа дека вниманието на пилотот било попречувано, додека стјуардесите биле во пилотската кабина и дека автопилотот бил исклучен во тек на инцидентот.
Елена Георгиевска