Иранскиот претседател Масуд Пезешкијан денес изјави дека неговата земја нема да попушти под притисокот на светските сили во услови на преговори со Соединетите Американски Држави за нуклеарната програма на Иран.
„Светските сили нè принудуваат да попуштиме… но ние нема да попуштиме, и покрај сите проблеми што ни ги создаваат“, рече Пезешкијан во говор емитуван во живо на иранската државна телевизија.
Пезешкијан рече дека иранската влада постигнала договор дека дури и ако сите светски сили се спротивстават на предавањето на Иран, Техеран нема да го стори тоа.
Тој нагласи дека Иран нема да се предаде под притисок на светските сили, и покрај сите тешкотии, објави телевизискиот канал Иран Интернешнл.
Иранскиот министер за надворешни работи, Абас Аракчи, одби да отвори плик со предлози на САД за ракетната програма, доставени од омански посредници, и го врати на испраќачот, изјави извор запознаен со разговорите.
Според двајца израелски функционери за Ројтерс, Израел верува дека разликите меѓу Техеран и Вашингтон се „непремостливи“ и дека изгледите за брза воена ескалација се големи.
Се вели дека израелската влада се подготвува за можна заедничка воена акција со Соединетите Американски Држави, но конечната одлука сè уште не е донесена.