Петро Порошенеко е победник на претседателските избори во Украина со 54,70 проценти од гласовите, објави ЦИК

Централната изборна комисија на Украина денеска ги објави официјалните резултати од претседателските избори на 25 мај во земјата, јави ИТАР-ТАСС.

Според нив Петро Порошенко добил 54,70 проценти од гласовите. Јулија Тимошенко има 12,81 отсто, а на трето место е лидерот на Радикалната партија Олег Лашко со 8,32 проценти од гласовите.

На изборите гласале 18.019.504 жители со право на глас.