Пет лица го загубија животот, а десеттина се повредени во сообраќајна несреќа што утрово се случи во јужниот дел од Унгарија.
Несреќата се случила околу седум часот изутринава на железнички премин кај Миндсент во близина на границата со Србија, кога долшо до судар на камионет за превоз на луѓе и терет со моторен патнички воз. соопшти унгарската полиција. Од силината на ударот и моторниот вагон излетал од шините и се превртел покрај пругата.
Притоа смртно настрадале пет лица, а има повредени, и меѓу патниците во комбето и кај оние што патувале со возот.
Комбето било со унгарски регистерски таблички и превезувало локални работници.
Извор: МИА