Вооружени мажи застрелаа пет жени од едно исто семејство во градот Самара, северно од ирачката престолнина Багдад, соопштија медицински и полициски извори.
Жртвите се ирачанка, нејзините три ќерки и снаата. Тие биле убиени во куќа во квартот Шухада по традиционалната вечера за прекин на дневниот пост за време на рамазан.
Според полицијата, нападот бил насочен против главата на семејството, кој бил директор на локално училиште. Тој, меѓутоа, не бил дома за време на нападот.