Русија не ја окупира југоисточна Украина, туку таму се одвива граѓанска војна, изјави денеска портпаролот на рускиот претседател, Дмитриј Песков.
– Тој (југоисточниот дел на Украина) не е окупиран од страна на Русија, Русија не окупирала ниту една територија. Тоа е внатрешен конфликт во Украина. Јас работите ги именувам со нивните имиња – тоа е граѓанска војна, која само Украина може да ја запре, рече Песков на прес-конференцијата, пренесува ТАСС.
Според неговите зборови, Киев може да ја запре војната доколку се однесува согласно Договорот од Минск.