Дмитриј Песков, портпарол на рускиот претседател Владимир Путин, денес изјави дека само оние што ја започнаа војната на Блискиот Исток можат да ја спречат.
„Војната што се води не е наша војна. И од самиот почеток го искажавме ставот дека секоја војна може да доведе до дестабилизација на регионот. И токму тоа го гледаме“, изјави Песков за руската новинска агенција Вести.
Како што истакна, зголемениот број земји што се приклучуваат кон војната е постојано видлив.
„Дали сме способни да ја запреме оваа војна? Не, не сме. Кој и да ја започнал, може да ја запре. И тоа е она што треба да го направи, според нас“, рече Песков.
Според него, Русија мора да го направи она што е во нејзин интерес, вклучително и минимизирање на последиците за економијата.
Нападите на САД и Израел врз цели во Иран, вклучувајќи го и Техеран, започнаа на 28 февруари и предизвикаа цивилни жртви, додека Иран возвраќа со напади врз израелска територија и американски воени цели во регионот.
Во еден од нападите беше убиен врховниот лидер на Иран, ајатолахот Али Хамнеи, а земјата прогласи 40-дневна жалост, пренесува Танјуг.