Британец (80), кој освои милион долари на лотарија на 65-годишна возраст, подоцна стана криминалец. Сега е осуден на долгогодишна затворска казна.
Судот во Болтон, Англија, во вторникот ги осуди четворицата мажи кои изградија мултимилионска „империја“ од производство на фалсификувани лекови на повеќе од 50 години затвор, објавија британските медиуми.
Седиштето на компанијата е „тивкиот, селски дом“ на 80-годишниот Џон Ерик Спајби, кој освои 2,4 милиони фунти на британската лотарија во 2010 година.
Според весникот „Гардијан“, Спајби беше вклучен во дистрибуцијата на милиони апчиња лажно претставени како дијазепам.
Како што обвинителот му рече на судот, Спајби „ги обезбедил просториите, помогнал во нивното адаптирање и купил машини“ во вредност од неколку илјади фунти за производство на овие таблети.
Обвинителството проценува дека пазарната вредност на фалсификуваните лекови може да достигне до 288 милиони фунти.
Судијата на крајот рече дека заклучил дека станува збор за „најголемото производство на овој вид дрога што полицијата некогаш го открила“ и го нарече Спајби „водач“ на групата.
Покрај Спајби, неговиот син Џон Спајби Џуниор (37), Ли Друри (45) и Калум Дориан (35) беа обвинети и за криминален заговор и производство на нелегални дроги.
Сите беа прогласени за виновни и осудени на затворски казни.
Спајби негираше вмешаност во заговорот, но поротата го прогласи за виновен по судењето.
Тој беше прогласен и за виновен за поседување огнено оружје, поседување муниција и попречување на правдата.
На крајот, тој беше осуден на 16 години и шест месеци затвор.