Кина денеска соопшти дека филипинското изнесување на територијалниот спор пред арбитражниот суд на Обединетите нации само ќе го искомплицира тоа прашање и ја осуди Манила за „недозволената окупација“ на кинеските острови во Јужно Кинеско Море.
Манила вчера побара арбитражниот суд на ОН врз основа на Конвенцијата за правата на морето на ОН, потпишана во 1982 година од двете држави, да и нареди на Кина да ја прекина активноста со која се повредува суверенитетот на Филипини.
Официјален Пекинг тврди дека речиси цел простор на Јужно Кинеско Море со два големи архипелага и припаѓаат на Кина, додека Филипини, Виетнам, Брунеи, Малезија и Тајван истакнуваат дека им припаѓаат деловите спроти нивните копнени територии.
Претставник на кинеското Министерство за надворешни работи Хонг Леи изјави дека „некои од кинеските јужни соседи окупираа некои од островите во Јужно Кинеско Море“. Тој посочи и дека Кина „упорно се спротиставува на филипинската недозволена окупација“ на островите.