Папата Лав XIV денеска во своето прво обраќање до верниците на плоштадот Свети Петар во Ватикан ги повика водечките светски сили да престанат да водат војни.
Новоизбраниот папа апелираше и за вистински и траен мир во Украина, како и за прекин на огнот во Газа и ослободување на сите израелски заложници, објави Ројтерс.
Во исто време, Лав XIV го поздрави последното примирје постигнато меѓу Индија и Пакистан и додаде дека се моли на Бога да му даде на светот „чудо на мирот“.
„Да одговориме на поканата што ни ја упати папата Франциск во денешната порака да ги прифатиме и да ги придружуваме младите. Да го молиме нашиот небесен Отец да ни помогне да живееме во служба еден на друг“, рече Папата.