Истражителите пронајдоа муниција врежана со фрази поврзани со трансродова и антифашистичка идеологија во пушката за која властите веруваат дека е употребена во убиството на Чарли Кирк, објавија американските медиуми.
Чарли Кирк наводно е убиен со постар модел на ловна пушка, која е пронајдена во шумата во близина на местото на пукањето во среда на Универзитетот во Јута.
Пушката наводно била завиткана во крпа со чаура во цевката. Исто така, пронајдени се три неиспукани куршуми со врежани натписи.
Според истражителите, истрелот бил испукан од пушка со долг дострел од покривот на зграда на околу 200 метри од местото на злосторството.
Во времето на нападот, Кирк зборувал пред публика од околу 3.000 луѓе како дел од серијата дебати наречена „Докажи ми дека грешам“.
Публиката првично била во шок, а потоа евакуирана.
Полицијата и службите за итни случаи брзо реагирале, но Кирк набрзо им подлегнал на повредите.