Најмалку осум украински војници се ранети во борбите во близина на Славјанск, објави украинската редакција на Би-Би-Би.
Борбите се водат во близина на излезот од градот во правец кон градот Изјум. Според украинските безбедносни служби, текот на операцијата бил променет, затоа што противникот ги нападнал од зад грб.
Во Славјанск сега се наоѓаат украинскиот министер за внатрешни работи Арсен Аваков и командантот на Националната гарда на Украина Степан Полторак.
Според Аваков, противникот користи тешка артилерија. Тој исто така тврди дека меѓу напаѓачите на украинските војници имало и Чеченци.
Украинските војници веќе ја зеле под контрола локалната телевизиска кула, по што е обновено емитувањето на украинските канали.