Рам Синг (33), еден од петте Индијци осомничени дека со малолетник на 16 декември минатата година, брутално силувале и претепале во автобус во Њу Делхи, 23-годишна студентка, кој набрзо потоа почина од повредите, се појавил во реалити шоу. Тој во шоуто “Твојот суд” во 2011. барал од работодавачот надоместок за повреда при работа, откако пијан предизвикал автобуска несреќа.
Оваа епизода на индиската риалити програма се наоѓа на “Јутјуб” и во неа Синг тврди дека ги повредил двете раце во автобуската несреќа и бара пари, со образложение дека мора да издржува мало дете.
Силуваната студентка осум дена пред да умре, додека беше во состојба да зборува, на полицијата и ги соопшти имињата на напаѓачите,меѓу кои е и името на Синг. Нејзината изјава сега ќе се користи во кривичната постапка против групата на силувачи.
Реалити програмата во која Синг учествувал, го водела како лажен судија Киран Беди, некогаш највисоко позиционирана жена во индиската полиција. Беди за “Хафингтон пост” изјави дека Синг тогаш го загубил случајот.
– Работодавачот докажа дека Рам Синг неовластено го зел возилото и го оштетил автобусот. Тој бил виновен – рече Беди.