Поранешниот премиер на Унгарија – Виктор Орбан денес беше реизбран за претседател на партијата Фидес на 32-от конгрес одржан во Будимпешта.
Орбан, кој беше единствен кандидат, ја доби довербата на делегатите со тајно гласање и беше избран за едногодишен мандат со 729 гласови од 737 важечки, јавува агенцијата МТИ.
Делегатите го усвоија извештајот на националниот клуб и речиси едногласно го прифатија документот во кој се анализираат причините за изборниот пораз на партијата.
Усвоена е и политичка резолуција со која се отфрла пактот на ЕУ за миграција и се протестира против, како што е наведено, „насилното отстранување на демократски избрани функционери“.
Со промените во статутот се реорганизираше структурата на партијата Фидес, која во иднина ќе биде усогласена со системот на локална самоуправа, а националниот комитет на партијата беше проширен на 28 члена.