Унгарскиот премиер Виктор Орбан денеска му порача на украинскиот претседател Володимир Зеленски да „престане да ја малтретира“ Будимпешта.
Hungary is a member of NATO and the EU. Ukraine would have collapsed long ago without the support of these two organisations. President @ZelenskyyUa , with all due respect, stop harassing us!
— Orbán Viktor (@PM_ViktorOrban) September 27, 2025
„Унгарија е членка на НАТО и ЕУ. Украина одамна ќе се распаднеше без поддршката на тие две организации. Претседателе Зеленски, со сето должно почитување, престанете да нè малтретирате!“, напиша Орбан на социјалната мрежа Х.
Објавата на Орбан доаѓа во време на ново влошување на односите меѓу Киев и Будимпешта.
Вчера унгарскиот министер за надворешни работи Петер Сијарто напиша на Фејсбук дека „претседателот Володимир Зеленски почнува да го губи разумот со својот антиунгарски став“ откако украинскиот претседател тврдеше дека извидувачките беспилотни летала го нарушиле украинскиот воздушен простор и дека веројатно припаѓаат на Унгарија.
„Сега тој гледа чудовишта“, напиша Сијарто.
Денес, украинскиот министер за надворешни работи Андриј Сибиха објави мапа на социјалната мрежа X која, како што тврди, ја покажува точната рута на упадот на беспилотните летала од Унгарија во украинскиот воздушен простор.