Унгарскиот премиер Виктор Орбан и полскиот премиер Доналд Туск влегоа во нова расправа, со што потврдија дека односите меѓу земјите од Вишеградската група се повеќе од оштетени.
Во коментар на социјалната мрежа X, Орбан рече дека Туск започнал уште еден напад врз Унгарија.
„Тој го прави ова затоа што е во големи проблеми дома. Неговата партија ги загуби претседателските избори, неговата влада е нестабилна, а тој заостанува на анкетите. Заедно со Манфред Вебер, тој стана еден од најгласните военоподбуцнувачи во Европа – а сепак, неговата воена политика не успева: Украина останува без европски пари, а полскиот народ е уморен од војна“, рече Орбан.
Тој, исто така, истакнува дека Туск не може да го промени курсот затоа што ја претворил Полска во вазал на Брисел.
„Сега тој е во паника, ги прогонува своите политички противници и ја критикува позицијата на Унгарија за мир во обид да го одвлече вниманието од неговите домашни проблеми. Ова е толку тажно. Историското пријателство меѓу Унгарија и Полска заслужува подобро. Не можам и нема да го поддржам военото поттикнување на Туск. Унгарија следи поинаков пат – патот на мирот. Унгарскиот народ одбива да стане вазал на Брисел. Време еТуск да го прифати ова – и да си ја гледа својата работа“, рече Орбан.
Полскиот премиер Доналд Туск го критикуваше унгарскиот лидер Виктор Орбан за неговиот проруски став и проблемите со владеењето на правото во Унгарија.
Според Туск, за Орбан, моќта е „средство да се осигури дека никој не може да ги контролира постапките на владата“. Полскиот премиер, исто така, привлече внимание на фактот дека Унгарија беше многу подалеку од Полска во 1989 година, но сега е „најсиромашната земја во Европската Унија“.