Според податоците на ОН објавени денеска, околу 5 милиони деца починале во 2021 година пред да наполнат пет години.
Најновите проценки објавени од Меѓуагенциската група на ОН за проценки на детска смртност (UN IGME), исто така, покажуваат дека 2,1 милион деца и млади на возраст од 5 до 24 години починале во истиот период, што е еден смртен случај на секои 4,4 секунди.
Посебен извештај на групата на ОН, исто така, покажа дека 1,9 милиони бебиња биле родени мртви во 2021 година. Многу од тие случаи можеле да се избегнат со подобра здравствена заштита, се вели во извештајот.
Иако работите се подобрија севкупно од 2000 година – со глобалната стапка на смртност до пет години опадна за 50 проценти, пад од 36 проценти на стапката на смртност кај постарите деца и млади и 35 проценти намалување на мртвородените деца – „напредокот е значително намален од 2010 година“, се вели во соопштението на ОН.
ОН предупреди дека речиси 59 милиони деца и млади луѓе ќе умрат пред 2030 година доколку „не се преземат брзи мерки за подобрување на здравствените услуги“.
Извештаите, исто така, покажаа дека во субсахарска Африка се 56 отсто од сите смртни случаи на возраст под пет години во 2021 година, а децата родени во регионот се изложени на најголем ризик од смрт во светот.
Извор: МИА