Лидерот на турските Курди Абдула Оџалан ги повика своите борци разоружани да се повлечат од Турција, во рамки на мировниот процес за решавање на повеќедеценискиот курдски бунт.
Повлекувањето на разоружените борци на Курдската работничка партија (ПКК) на Оџалан од турска територија, како што бара турската Влада, би претставувало значаен чекор кон завршување на конфликтите меѓу Турција и припадниците на ПКК, во кои загинале повеќе од 40.000 луѓе.
Весник, близок до Владата, пишува дека Оџалан оваа порака вчера и ја упатил на една делегација на прокурдската Партија на мирот и демократијата, која го посетила во затвор на островот Имрали, кој се наоѓа јужно од Истанбул.