Одѕивот на гласачите на вчерашниот референдум за независност во Луганската област, во источна Украина, изнесуваше 81 проценти и тој може да се смета за валиден, изјави висок претставник на организаторите на референдумот.
На прес-конференцијата по завршувањето на гласањето претседателот на Изборната комисија, Александар Малихин прецизираше дека првичните резултати од референдумот ќе бидат соопштени изутринава.
Референдум за независност вчера веше одржан и во Доњецката област. Над 89 проценти од учесниците во референдумот се изјасниле за отцепување на регионот од Украина, а избирачката активност изнесувала 75 отсто, изјави претседателот на Изборната комисија на т.н. Доњецка народна република, Роман Лјагин.
Двата референдуми се прогласени за незаконски од централните украински власти и од Западот.